Помогите найти сродки мастацкай выразнасти

$ocKa HambEr oNe в категроии Литература, вопрос открыт 14.01.2018 в 14:36

Аляксей КОРШАК

КЛЯНОВЫ ЛІСТ

Паслана золата кляновае ўдалі...

I вось апошні ліст плыве агнёвы,

I лёг ля ног маіх на стомленай зямлі

Асенні ліст, апошні ліст кляновы.

Кляновы ліст, апошні гэты ліст

Я на далоні ўзяў, сухі, памяты.

Няхай жа вар'яцее ветру свіст,

Я прынясу яго сабе дахаты.

Я песню напішу пра гэты ліст.

Аб ім у сэрцы след нічым не сцерці.

Жыві ж, асенні ліст, кляновы ліст,

Жыві ж у песні, ў памяці, у сэрцы.

Вясна прамые неба сінявой,

I кожны расцвіце вакол закутак,

Тады з галінкі памяці маёй

Ты ападзеш, як нейкі ціхі смутак.

I ў сэрцы ты завянеш назаўжды,

Адзенецца жыццё зялёным лістам,

I толькі ў песні гэтай будзеш ты

Звінець заўсёды звонам залацістым.